ക്രിസ്റ്റ്യാനോ റൊണാള്‍ഡോയെ പ്രശംസിച്ച് ലയണല്‍ മെസ്സി. കഴിഞ്ഞ ദിവസം റൊണാള്‍ഡോ നടത്തിയ ഹാട്രിക്ക് പ്രകടനത്തിനാണ് മെസ്സി അഭിനന്ദനം അറിയിച്ചിരിക്കുന്നത്. ആദ്യ പാദത്തില്‍ 20ന് തോറ്റിരുന്ന യുവന്റസിനെ രണ്ടാം പാദത്തില്‍ ഹാട്രിക്ക് അടിച്ച് ക്വാര്‍ട്ടറില്‍ എത്തിക്കാന്‍ റൊണാള്‍ഡോയ്ക്ക് കഴിഞ്ഞിരുന്നു. ഈ പ്രകടനത്തെയാണ് മെസ്സി പ്രശംസിച്ചത്. റൊണാള്‍ഡോയുടെ പ്രകടനം തന്നെ അത്ഭുതപ്പെടുത്തി എന്ന് മെസ്സി പറയുന്നു.
”അത്‌ലറ്റിക്കോ മാഡ്രിഡ് ക്വാര്‍ട്ടറിലേക്ക് കടക്കും എന്നാണ് താന്‍ കരുതിയത്. അത്‌ലറ്റിക്കോ മാഡ്രിഡ് അത്ര കരുത്തുറ്റ നിലയിലായിരുന്നു ഉള്ളത്. പക്ഷെ തന്റെ വിലയിരുത്തലുകള്‍ ഒക്കെ മറികടന്ന് റൊണാള്‍ഡോയും യുവന്റസും മുന്നേറി” എന്ന് മെസ്സി പറഞ്ഞു. ഈ പ്രകടനം തനിക്ക് സര്‍പ്രൈസ് ആയിരുന്നു എന്നും. റൊണാള്‍ഡോയ്ക്ക് അത് മാന്ത്രിക രാത്രി ആയിരുന്നെന്നും മെസ്സി പറഞ്ഞു.
മെസ്സിയുടെ ഈ വാക്കുകള്‍ ഫുട്‌ബോള്‍ ലോകത്തിനും സന്തോഷം നല്‍കുന്നുണ്ട്. കഴിഞ്ഞ ദിവസം രണ്ട് ഗോളുകളും രണ്ട് അസിസ്റ്റുമായി ബാഴ്‌സലോണയെ മെസ്സിയും ക്വാര്‍ട്ടറില്‍ എത്തിച്ചിരുന്നു.
