ചാമ്പ്യന്‍സ് ലീഗില്‍ യുവന്റസിന്റെ തിരിച്ച് വരവിനായ് ആരാധകരോട് ഒരുങ്ങിയിരുന്നുകൊള്ളാന്‍ അറിയിച്ച് റൊണാള്‍ഡോ. ലീഗ് പ്രീക്വാര്‍ട്ടറിന്റെ രണ്ടാം പാദത്തില്‍ അത്‌ലറ്റിക്കോ മാഡ്രിഡിനെ യുവന്റസ് പരാജയപ്പെടുത്തുമെന്നാണ് താരം പറയുന്നത്. ആദ്യ പാദത്തില്‍ മാഡ്രിഡില്‍ യുവന്റ്‌സ് 20ന്റെ പരാജയം നേരിട്ടിരുന്നു. തിരിച്ചടിച്ച് ഈ പരാജയം മറികടക്കാന്‍ യുവന്റസിനാകുമെന്ന് റൊണാള്‍ഡോ പറയുന്നു.
യുവന്റസ് ടീമും താനും അത്‌ലറ്റിക്കോ മാഡ്രിഡിനെ നേരിടാന്‍ ഒരുങ്ങി കഴിഞ്ഞു. ടീമിന് 20 മറികടക്കാന്‍ കഴിയുമെന്ന വിശ്വാസം ഉണ്ട്. ചാമ്പ്യന്‍സ് ലീഗിലെ വലിയ ഒരു തിരിച്ചുവരവ് കാണാന്‍ ആരാധകര്‍ ഒരുങ്ങിക്കൊള്ളുക എന്നും റൊണാള്‍ഡോ പറഞ്ഞു. ചാമ്പ്യന്‍സ് ലീഗ് കിരീടം എന്ന ലക്ഷ്യം വെച്ചായിരുന്നു ക്രിസ്റ്റ്യാനോ റൊണാള്‍ഡോയെ ഇത്ര വലിയ തുകയ്ക്ക് യുവന്റസ് സ്വന്തമാക്കിയത്. 23 വര്‍ഷം മുമ്പാണ്
അവസാനമായി യുവന്റസ് ചാമ്പ്യന്‍സ് ലീഗ് കിരീടം നേടിയത്.
