തിരുവനന്തപുരം: സംസ്ഥാനത്തെ റബര് കര്ഷകര്ക്ക് സബ്സിഡിയായി. 42.57 കോടി രൂപ സബ്സിഡി നല്കാന് അനുവദിച്ചതായി ധനകാര്യ മന്ത്രി കെ എന് ബാലഗോപാല് അറിയിച്ചു. 1,45,564 കര്ഷകര്ക്കാണ് ആനുകൂല്യം ലഭിക്കുക. നേരത്തെ 82.31 കോടി രൂപ വിതരണം ചെയ്തിരുന്നു. ഇതോടെ ഈ സാമ്പത്തിക വര്ഷം 124.88 കോടി രുപയാണ് സര്ക്കാര് സബ്സിഡിയായി റബര് കര്ഷകര്ക്ക് ലഭ്യമാക്കിയത്.
സ്വാഭാവിക റബറിന് വിലയിടിഞ്ഞ സാഹചര്യത്തിലാണ് റബര് ഉല്പാദന ഇന്സെന്റീവ് പദ്ധതി നടപ്പാക്കിയതെന്നും മന്ത്രി അറിയിച്ചു. കഴിഞ്ഞ എല്ഡിഎഫ് സര്ക്കാര് ഒരു കിലോഗ്രാം റബറിന് 170 രൂപ വില ഉറപ്പാക്കുന്ന നിലയില് സബ്സിഡി തുക ഉയര്ത്തിയിരുന്നു. വിപണി വിലയില് കുറവുവരുന്ന തുകയാണ് സര്ക്കാര് സബ്സിഡിയായി അനുവദിക്കുന്നത്.
റബര് ബോര്ഡ് അംഗീകരിക്കുന്ന കര്ഷകരുടെ പട്ടിക അനുസരിച്ചാണ് സംസ്ഥാന സര്ക്കാരിന്റെ സബ്സിഡി നല്കുന്നത്. ഇതിനായി റബര് വിലസ്ഥിരത ഫണ്ടാണ് വിനിയോഗിക്കുന്നത്. ഈവര്ഷം ബജറ്റില് 600 കോടി രൂപയാണ് ഫണ്ടിലേക്കായി നീക്കിവച്ചത്.