ബെംഗളൂരു: കേരളത്തില്‍ നിന്നുള്ളവരുടെ നിയന്ത്രണത്തില്‍ ഇളവില്ലെന്ന് മുഖ്യമന്ത്രി പിണറായി വിജയനോട് കര്‍ണാടക ആരോഗ്യമന്ത്രി കെ സുധാകര്‍. ഇതു സംബന്ധിച്ച് കര്‍ണാടക ആരോഗ്യമന്ത്രി മുഖ്യമന്ത്രിയ്ക്ക് കത്തയച്ചു. വിഷയത്തിൽ അടിയന്തിര ഇടപെടൽ ആവശ്യപ്പെട്ട് പ്രധാനമന്ത്രിക്ക് മുഖ്യമന്ത്രി പിണറായി വിജയൻ അയച്ച കത്തും കര്‍ണാടക സര്‍ക്കുലറും ആരോഗ്യമന്ത്രിയുടെ ട്വീറ്റിലുണ്ട്.
കർണാടക നിയന്ത്രണം ഏർപ്പെടുത്തിയത് കാരണം വിദ്യാർത്ഥികളും, ആശുപത്രി ആവശ്യങ്ങൾക്കായി യാത്ര ചെയ്യുന്നവരും വലിയ ബുദ്ധിമുട്ടാണ് നേരിടുന്നതെന്നും, ഇക്കാര്യത്തിൽ എത്രയും പെട്ടെന്ന് അനുകൂല നടപടി ഉണ്ടാകണമെന്നും ആവശ്യപ്പെട്ടാണ് പിണറായി വിജയൻ പ്രധാനമന്ത്രിക്ക് കത്തയച്ചത്.
ഈ വിഷയത്തിൽ കർണാടക മുഖ്യമന്ത്രി യെദ്യൂരപ്പയെ നേരിൽ കണ്ട് വിഷയം അവസാനിപ്പിക്കാനുള്ള ശ്രമം ബിജെപിയും തുടങ്ങി കഴിഞ്ഞു.
