മോസ്കോ : തെക്കൻ സൈബീരിയയിലെ സ്കൂളിൽ കൗമാരക്കാരൻ സഹപാഠികളെ കോടാലികൊണ്ട് ആക്രമിച്ചു. അക്രമണത്തിൽ ഒരു അധ്യാപകനും, അഞ്ച് കുട്ടികൾക്കും പരുക്കേറ്റതായി അധികൃതർ അറിയിച്ചു. പരുക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്.
ഒൻപതാം ക്ലാസുകാരനായ വിദ്യാർത്ഥി ഏഴാം ക്ലാസിൽ പ്രവേശിച്ച് അധ്യാപകനെയും , ക്ലാസിലെ കുട്ടികളയേയും അക്രമിക്കുകയായിരുന്നു. തുടർന്ന് അക്രമം നടത്തിയ വിദ്യാർത്ഥി ക്ലാസിൽ ഫയർബോബ് ഉപയോഗിച്ചു തീപ്പിടുത്തമുണ്ടാക്കാനും ശ്രമിച്ചു. എന്നാൽ അധികൃതർ വിദ്യാർത്ഥിയെ പിടികൂടി. നിലവിൽ കുട്ടിയെ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തിൽ ഔദ്യോഗിക അന്വേഷണം ആരംഭിച്ചിട്ടുണ്ട്.
