കേപ്പ്ടൗണ്‍: ദക്ഷിണാഫ്രിക്കയില്‍ സ്വകാര്യ ഉപയോഗത്തിനായി കഞ്ചാവ് കൈവശം വെയ്ക്കുന്നതും ഉപയോഗിക്കുന്നതും നിയമപരമാക്കി കോടതിയുടെ ഉത്തരവ്. സ്വകാര്യ ഉപയോഗത്തിനായി കഞ്ചാവ് വളര്‍ത്തുന്നതും ഇതോടെ കുറ്റകരമല്ലാതായി. എന്നാല്‍ പൊതു ഇടങ്ങളിലെ കഞ്ചാവ് ഉപയോഗവും വില്‍പ്പനയും വിതരണവും കോടതി വിലക്കി.
പ്രായപൂര്‍ത്തിയായവര്‍ സ്വകാര്യ ആവശ്യങ്ങള്‍ക്ക് കഞ്ചാവ് ഉപയോഗിക്കുന്നത് ക്രിമിനല്‍ കുറ്റകരമായി കാണാനാകില്ലെന്ന സര്‍ക്കാരിന്റെ വാദം കോടതി തള്ളി. ഇതിന്മേലുള്ള നിരോധനം പൗരാവകാശത്തിനുമേലുള്ള കടന്നുകയറ്റവും ഭരണഘടനാ വിരുദ്ധവുമാണെന്നും കോടതി നിരീക്ഷിച്ചു.
കഞ്ചാവ് ഉപയോഗത്തെക്കാള്‍ മദ്യപാനമാണ് ആരോഗ്യത്തിന് ഹാനികരമെന്ന മെഡിക്കല്‍ റിപ്പോര്‍ട്ടുകളും കോടതി ശരിവെച്ചു. വിഷയത്തില്‍ ആവശ്യമായ നിയമഭേദഗതി വരുത്താന്‍ കോടതി പാര്‍ലമെന്റിന് സമയം അനുവദിച്ചിട്ടുണ്ട്.
വിധി പുറത്തുവന്നതിന് പിന്നാലെ നഗരങ്ങളില്‍ ആഹ്ലാദപ്രകടനവുമായി നിരവധി പേരാണ് ഒത്തുകൂടിയത്.
