പമ്പ: സന്നിധാനത്ത് പോകുന്നതിന് അനുമതി നല്‍കാത്തതിനെതിരെ ടിവി 9 റിപ്പോര്‍ട്ടര്‍ ദീപ്തി വാജ്‌പേയി പ്രതിഷേധവുമായി രംഗത്ത്. പ്ലക്കാര്‍ഡുമായിട്ടാണ് ദീപ്തി നിലയ്ക്കല്‍ പൊലീസ് കണ്‍ട്രോള്‍ റൂമിന് മുമ്പില്‍ പ്രതിഷേധിച്ചത്.
മൂന്നു ദിവസമായി നിലയ്ക്കലിലും പമ്പയിലും റിപ്പോര്‍ട്ടിങ്ങിനായി ദീപ്തി എത്തിയിരുന്നു. എന്നാല്‍ സന്നിധാനത്ത് റിപ്പോര്‍ട്ടിംഗ് നടത്താന്‍ പൊലീസ് അനുവദിക്കുന്നില്ലെന്നാണ് ദീപ്തി പറയുന്നത്.
സന്നിധാനത്ത് വലിയ രീതിയില്‍ തിരക്കാണെന്നും ദീപ്തിക്കൊപ്പം വിടാന്‍ അധിക പൊലീസില്ലെന്നുമാണ് പൊലീസ് ഉദ്യോഗസ്ഥര്‍ ഉന്നയിക്കുന്ന വാദം.
