തിരുവനന്തപുരം: ബിജെപിയുടെ പ്രക്ഷോഭത്തിനു കാരണം ശബരിമലയിലെ യുവതീ പ്രവേശനമല്ലെന്ന് ഒ. രാജഗോപാല്‍ എം.എല്‍എ.
ശബരിമല വിഷയത്തിലെ റിവ്യു ഹര്‍ജി സുപ്രീംകോടതി പരിഗണിക്കാനിരിക്കെ സമരം ചെയ്തിട്ട് കാര്യമില്ലെന്നും ശബരിമലയിലെ പൊലീസ് നടപടിയും അടിസ്ഥാന സൗകര്യപ്രശ്‌നങ്ങളുമാണ് സമര വിഷയമെന്നും അദ്ദേഹം പറഞ്ഞു.
ശബരിമലയില്‍ സമരം ചെയ്യാന്‍ പാടില്ലെന്നു തന്നെയായിരുന്നു ബിജെപിയുടെ നിലപാടെന്നും തീര്‍ത്ഥാടനത്തിന് എത്തുന്ന സ്ഥലമാണ് ശബരിമലയെന്നും തീര്‍ത്ഥാടകര്‍ക്ക് ഇതൊക്കെ അസൗകര്യങ്ങളുണ്ടാക്കുമെന്നും ബിജെപിയുടേത് രാഷ്ട്രീയ സമരമാണെന്നും ഒ. രാജഗോപാല്‍ വ്യക്തമാക്കി.
സര്‍ക്കാരിനെതിരായ സമരം വ്യാപിപ്പിക്കുന്നതിനാണ് സെക്രട്ടറിയേറ്റിന് മുന്നിലേക്ക് മാറ്റിയിരിക്കുന്നത്. സെക്രട്ടറിയേറ്റ് സമരം ഒത്തുതീര്‍പ്പല്ലെന്നും ഒ. രാജഗോപാല്‍ കൂട്ടിച്ചേര്‍ത്തു.
