അജു വര്‍ഗീസ, ധ്യാന്‍ ശ്രീനിവാസ് എന്നിവര്‍ പ്രധാന വേഷങ്ങളിലെത്തുന്ന ചിത്രം സച്ചിന്റെ ഒഫീഷ്യല്‍ ടീസര്‍ പുറത്തിറങ്ങി. സന്തോഷ് നായരാണ് ചിത്രം സംവിധാനം ചെയ്യുന്നത്.
ക്രിക്കറ്റ് പശ്ചാത്തലത്തിലൊരുക്കുന്ന സച്ചിന്‍ മുഴുനീള എന്റര്‍ടെയ്നറായാണ് ഒരുക്കുന്നത്. ധ്യാനിന്റെ നായികയായി രേഷ്മ രാജനാണ് എത്തുന്നത്.
ഹരീഷ് കണാരന്‍, രഞ്ജി പണിക്കര്‍, രമേഷ് പിഷാരടി, അപ്പാനി ശരത്, മണിയന്‍പിള്ള രാജു, അണ്ണാ രാജന്‍, മാല പാര്‍വതി, രശ്മി ബോബന്‍, സേതു ലക്ഷ്മി എന്നിവരാണ് ചിത്രത്തിലെ മറ്റു താരങ്ങള്‍. ജെ ജെ പ്രൊഡക്ഷന്‍സിന്റെ ബാനറില്‍ ജൂബി നൈനാനും ജൂഡ് സുധീറും ചേര്‍ന്നാണ് ചിത്രം നിര്‍മ്മിക്കുന്നത്.
