ധനവകുപ്പ് 30 കോടി രൂപ ധനസഹായം അനുവദിച്ചിട്ടും ജീവനക്കാര്‍ക്ക് ശമ്പളം നല്‍കാതെ കെഎസ്ആര്ടിസി മാനേജ്മെന്റ്.ശമ്പളം കൊടുക്കാന്‍ 65 കോടി രൂപയാണ് മാനേജ്മെന്റ് സര്‍ക്കാരിനോട് ആവശ്യപ്പെട്ടിരുന്നത്. എന്നാല്‍ 30 കോടിക്ക് പുറമേയുള്ള തുക കെഎസ്ആര്ടിസി മാനേജ്മെന്റ് തന്നെ കണ്ടെത്തണമെന്നാണ് സര്‍ക്കാര്‍ നിലപാട്.ഇനിയും ഈ നിലപാട് തുടര്‍ന്നാല്‍ ജീവനക്കാരുടെ അവസ്ഥ കൂടുതല്‍ ദുരിതത്തിലാകും. ആവശ്യമായ 83 കോടി രൂപ പൂര്‍ണമായും സ്വരൂപിക്കാന്‍ കഴിയാത്തതിനാല്‍ ശമ്പള വിതരണം ഇനിയും വൈകും. കെഎസ്ആര്ടിസി തൊഴിലാളി സംഘടനകളുടെ സമരം ഇന്നും തുടരുമെന്നും ഇവര്‍ അറിയിച്ചു.സിഐടിയു, ഐഎന്‍ടിയുസി, ബിഎംഎസ് സംഘടനകള്‍ക്ക് പുറമേ എഐടിയുസിയും ഇന്ന് സമരമാരംഭിക്കും.
