മുംബൈ: ലോകമെമ്പാടും വ്യാപകമായി പടര്‍ന്ന് പിടിക്കുന്ന മഹാമാരിയുടെ കാലത്ത് സ്‌നേഹം പകരാന്‍ ‘പ്യാര്‍ കൊറോണ’ ഗാനവുമായി ഹോളിവുഡ് സൂപ്പര്‍ സ്റ്റാര്‍ സല്‍മാന്‍ ഖാന്‍.
സല്‍മാനും ഹുസൈന്‍ ദലാലും ചേര്‍ന്ന് ഒരുക്കി വരികള്‍ പാടിയത് സല്‍മാനാണ്. ഗാനത്തിന്റെ ടീസര്‍ താരം തന്നെയാണ് ട്വിറ്ററിലൂടെ പുറത്തുവിട്ടത്. സംഗീതം സാജിദ് വാജിദാണ് .
പാട്ട് ഇന്ന് തന്റെ യുട്യൂബില്‍ അപ്‌ലോഡ് ചെയ്യുമെന്ന് താരം അറിയിച്ചു. ആരാധകരെ ബോധവത്കരിക്കാന്‍ ‘മനുഷ്യനായിരിക്കുക’, ‘കൊറോണക്കെതിരായ യുദ്ധം’, ‘വീട്ടിലിരിക്കൂ, സുരക്ഷിതരാവൂ’ തുടങ്ങി നിരവധി ഹാഷ് ടാഗുകളോടെയാണ് വീഡിയോ തുടങ്ങുന്നത്. ‘പ്യാര്‍ കൊറോണ, എഹ്തിയാത്ത് കൊറോണ’ എന്നിങ്ങനെയാണ് വരികള്‍ തുടങ്ങുന്നത്.
ലോക്ഡൗണിന്റെ പശ്ചാത്തലത്തില്‍ ചലച്ചിത്ര മേഖലയിലെ ദിവസവേതനക്കാരായ 25,000 തൊഴിലാളികള്‍ക്ക് സാമ്പത്തിക സഹായം സല്‍മാന്‍ നേരത്തെ പ്രഖ്യാപിച്ചിരുന്നു.
