സൗദി: തീര്‍ഥാടകര്‍ക്കൊപ്പം സൗദി ഭരണാധികാരി സല്‍മാന്‍ രാജാവ് പെരുന്നാള്‍ നമസ്‌കാരം നിര്‍വ്വഹിക്കുകയും , പലസ്തീനുള്‍പ്പെടെയുള്ള രാഷ്ട്രങ്ങള്‍ക്ക് അദ്ദേഹം പെരുന്നാള്‍ ആശംസകള്‍ നേരുകയും ചെയ്തു. ഈദ് ദിനത്തില്‍ ലബനാന്‍ പ്രധാനമന്ത്രിയായിരുന്നു മുഖ്യാതിഥി. റമദാന്‍ അവസാന പത്ത് മുതല്‍ മക്ക കൊട്ടാരത്തിലാണ് സൗദി ഭരണാധികാരി സല്‍മാന്‍ രാജാവ് താമസിക്കുന്നത്. റമദാനില്‍ തീര്‍ഥാടകര്‍ക്ക് മെച്ചപ്പെട്ട സേവനമൊരുക്കാന്‍ അവസരം നല്‍കിയവരെയെല്ലാം അദ്ദേഹം അഭിനന്ദിച്ചു.
ലബനാന്‍ പ്രധാനമന്ത്രി സൗദ് ഹരീരിയായിരുന്നു മുഖ്യാതിഥി. തീവ്രവാദ വിരുദ്ധ ഇസ്ലാമിക സേനാ തലവന്‍ ജനറല്‍ റാഹല്‍ ശരീഫ്, വിവിധ രാജകുമാരന്മാര്‍, പണ്ഡിതര്‍, ഉന്നത ഉദ്യോഗസ്ഥര്‍ എന്നിവര്‍ക്ക് അദ്ദേഹം കൊട്ടാരത്തില്‍ ഈദ് മധുരം കൈമാറുകയും ചെയ്തു.
പലസ്തീന്‍, അഫ്ഗാന്‍, കുവൈറ്റ്, യുഎഇ ഉള്‍പ്പെടെ വിവിധ രാഷ്ട്രത്തലവന്മാര്‍ക്കും തിരിച്ചും പെരുന്നാള്‍ ആശംസകള്‍ കൈമാറി. അവസാന പത്ത് ദിനങ്ങളിലെ ഇഅ്തിഖാഫിനും അവസാന ദിനത്തിലെ ഖത്ത്മുല്‍ ഖുര്‍ആനിലും പങ്കെടുക്കാന്‍ ലോകമെമ്പാടുമുള്ള തീര്‍ഥാടകര്‍ ഹറമിലെത്തിയിരുന്നു.
