കാളിദാസ കാവ്യമായ ശാകുന്തളം സിനിമയാകുകയാണ്. സാമന്തയാണ് ശകുന്തളയായി അഭിനയിക്കുന്നത്. സിനിമയുടെ പ്രഖ്യാപനം സാമന്ത തന്നെയായിരുന്നു നടത്തിയത്. സിനിമയില്‍ ദുഷ്യന്തനായി അഭിനയിക്കുന്നത് ദേവ് മോഹനാണ് എന്നതാണ് മലയാളികളെ സന്തോഷിപ്പിക്കുന്ന കാര്യം. സാമന്തയ്‌ക്കൊപ്പമുള്ള തന്റെ ഫോട്ടോ ദേവ് മോഹന്‍ തന്നെ ഷെയര്‍ ചെയ്തിട്ടുണ്ട്. ഗുണശേഖര്‍ ആണ് സിനിമ സംവിധാനം ചെയ്യുന്നത്.
സൂഫിയും സുജാതയും എന്ന ചിത്രത്തിലൂടെ വെള്ളിത്തിരയിലെത്തിയ നടനാണ് ദേവ് മോഹന്‍. നീതു ലുല്ലയാണ് ശകുന്തളയായി അഭിനയിക്കുന്ന സാമന്തയെ ഒരുക്കാന്‍ എത്തിയിരിക്കുന്നത്. ശാകുന്തളം, കാവ്യനായകി എന്നാണ് ചിത്രത്തെ കുറിച്ച് ഗുണശേഖര്‍ പറയുന്നത്.
മികച്ച കോസ്റ്റ്യൂം ഡിസൈനര്‍ക്കുള്ള ദേശീയ പുരസ്‌കാരം രണ്ടു തവണ നേടിയ ആളാണ് സാമന്തയെ ഒരുക്കിയ നീതു ലുല്ല. സാമന്ത തന്നെ തന്റെ ഫോട്ടോ ഷെയര്‍ ചെയ്തിട്ടുണ്ട്. ശകുന്തളയുടെ വീക്ഷണകോണില്‍ നിന്നുള്ളതായിരിക്കും ചിത്രം.
സാമന്ത സിനിമയുടെ തയാറെടുപുകള്‍ നേരത്തെ തന്നെ തുടങ്ങിയിട്ടുണ്ട്.
