സാംസങ് വിപണി കീഴടക്കാൻ വീണ്ടും ഒരുങ്ങുകയാണ്.
ഗ്യാലക്സി എസ്8ന്റെ മികച്ച വിജയത്തിന് ശേഷം ഗ്യാലക്സി എസ്9 വിപണിയില്‍ അവതരിപ്പിക്കാനുള്ള ഒരുക്കത്തിലാണ് സാംസങ്ങ്.
2018 പകുതിയോടെ ഗ്യാലക്സി എസ് 9, എസ് 9 പ്ലസ് എന്നീ പതിപ്പുകള്‍ പുറത്തിറക്കാനാണ് കമ്പനികളുടെ പദ്ധതി.
ടെക്നോളജി വെബ്സൈറ്റുകള്‍ എസ് 9ന്റെ പ്രത്യേകതളെക്കുറിച്ച് സൂചനകള്‍ പുറത്ത് വിട്ടുതുടങ്ങി.
2018ല്‍ നടക്കുന്ന മൊബൈല്‍ വേള്‍ഡ് കോണ്‍ഗ്രസില്‍ എസ് 9നെ ആദ്യമായി അവതരിപ്പിക്കുമെന്നാണ് ലഭിക്കുന്ന വിവരം.
സാംസങ്ങിന്റെ പുതിയ ഫ്ലാഗ്ഷിപ്പ് മോഡല്‍ ഫോണ്‍ 6 ജി.ബി റാമിന്‍റെ കരുത്തോട് കൂടിയാവും വിപണിയില്‍ എത്തുക.
സ്നാപ്ഡ്രാഗണ്‍ 845 ആയിരിക്കും പ്രൊസസര്‍. സ്നാപ്ഡ്രാഗണ്‍ 835 പ്രൊസസറാണ് എസ് 8ല്‍ സാംസങ് ഉപയോഗിച്ചിരുന്നത്.
എക്സിനോസ് പ്രൊസസറായിരിക്കും ഫോണിന് ഇന്ത്യന്‍ വിപണിയില്‍ കരുത്ത് പകരുക.
128 ജി.ബി, 256 ജി.ബി എന്നിങ്ങനെ രണ്ട് പതിപ്പിലായിരുക്കും ഫോണുകള്‍ വിപണയിലെത്തുക.
