റിയോ ഡി ജനീറോറിയില്‍ ഇന്ത്യയുടെ അഭിമാനമായ പി വി സിന്ധുവിനെതിരേ സംവിധായകന്‍ സനല്‍കുമാര്‍ ശശിധരന്‍.
പി വി സിന്ധുവിന് ഫേസ്ബുക്കിലും അല്ലാതെയും നിറയെ അഭിനന്ദനവര്‍ഷമുണ്ടാകുമ്പോഴാണ് താന്‍ സിന്ധുവിനെ തുപ്പിയാലോ എന്നു ചോദിച്ച് സനല്‍കുമാര്‍ ശശിധരന്‍ എത്തിയത്.
സനല്‍കുമാറിന്റെ പോസ്റ്റ് വന്‍ വിമര്‍ശനമാണു വിളിച്ചുവരുത്തിയത്.
എല്ലാവരും സിന്ധുവിനെ ആഘോഷിക്കുകയാണല്ലോ! എന്നാല്‍ ഞാനൊന്നു തുപ്പിയാലോ? … ഓ ഇതിലൊക്കെ എന്തിരിക്കുന്നു ഇത്ര ആഘോഷിക്കാന്‍, എന്നാണ് ഇന്നലെ രാത്രി സനല്‍കുമാര്‍ ഫേസ്ബുക്കില്‍ പോസ്റ്റ് ചെയ്തത്. പോസ്റ്റ് വന്നതിനു പിന്നാലെ കമന്റ് ബോക്‌സില്‍ സനല്‍കുമാറിനെ വിമര്‍ശിക്കുകയാണു പലരും.
ഒരാള്‍പ്പൊക്കം, ഒഴിവുദിവസത്തെ കളി എന്നീ സിനിമകളിലൂടെ ശ്രദ്ധേയനായ സംവിധായകനാണു സനല്‍കുമാര്‍ ശശിധരന്‍. അടുത്തകാലത്തായി നിരവധി സാമൂഹിക പ്രശ്‌നങ്ങളില്‍ അഭിപ്രായം പറഞ്ഞിട്ടുമുണ്ട്. ഇന്ത്യക്ക് രാജ്യാന്തര തലത്തില്‍ അഭിമാനം നല്‍കിയ സിന്ധുവിന്റെ പേരില്‍ അധിക്ഷേപം ചൊരിയുന്ന വാക്കുകള്‍ സനലിന്റെ ഭാഗത്തുനിന്നുണ്ടാകുമെന്നു കരുതിയില്ലെന്നാണു പലരും അഭിപ്രായപ്പെടുന്നത്.
