ജയ്പൂര്‍: ഇന്ത്യയ്ക്കായി കളിക്കാന്‍ എല്ലാ അര്‍ത്ഥത്തിലും ഒരുങ്ങി കാത്തിരിക്കുകയാണെന്ന് സഞ്ജു സാംസണ്‍. തോല്‍ക്കുമ്പോളും തിരിച്ചു വരാനുള്ള ശക്തിയാണ് ഒരോ പരാജയവും നല്‍കുന്നതെന്നും കഠിനാധ്വാനമില്ലാതെ ഇന്ത്യന്‍ ടീമിലേക്ക് കയറിപ്പറ്റുക എളുപ്പമല്ലെന്നും സഞ്ജു പറഞ്ഞു. സ്വന്തം പ്രകടനത്തില്‍ ഞാന്‍ തൃപ്തനാണ്. വീണ്ടും ഇന്ത്യയ്ക്ക് വേണ്ടി കളിക്കാന്‍ കാത്തിരിക്കുകയാണെന്നും സഞ്ജു ആഗ്രഹം പ്രകടിപ്പിച്ചു.
ബുദ്ധിമുട്ടേറിയ സാഹചര്യങ്ങള്‍ കരിയറില്‍ പലതവണ വന്നുപോയിട്ടുണ്ട് എന്നാല്‍, ഇന്ത്യയ്ക്ക് വേണ്ടി കളിക്കാന്‍ താനിപ്പോള്‍ മാനസീകമായും ശാരീരികമായും തയ്യാറെടുത്ത് കഴിഞ്ഞു. ഇതിഹാസ താരങ്ങള്‍ എന്റെ പ്രകടനത്തെ കുറിച്ച് പറയുന്നത് സന്തോഷം നല്‍കുന്ന കാര്യമാണെന്നും, ലാറയുടെ വാക്കുകള്‍ ആത്മവിശ്വാസം വര്‍ധിപ്പിക്കുന്നുവെന്നും സഞ്ജു പറഞ്ഞു.
സഞ്ജുവിനെ ഇന്ത്യയുടെ ലോകകപ്പിനുള്ള സാധ്യതാ സംഘത്തില്‍ ഉള്‍പ്പെടുത്താതിരുന്നതിന് എതിരെ വിന്‍ഡിസ് ഇതിഹാസം ബ്രയാന്‍ ലാറ തന്നെ അത്ഭുതം പ്രകടിപ്പിച്ചിരുന്നു.
