ഇറ്റാനഗര്‍: സന്തോഷ് ട്രോഫി ഫുട്ബോള്‍ ഫൈനല്‍ റൗണ്ടിലെ ആദ്യമത്സരത്തില്‍ മേഘാലയക്കെതിരേ സര്‍വീസസിന് ജയം. 97-ാം മിനിറ്റില്‍ ഷഫീല്‍ പി.യുടെ പെനാല്‍റ്റിയിലൂടെയാണ് സര്‍വീസസിന്റെ ജയം. 90 മിനിറ്റ് ഗോള്‍ രഹിതമായിരുന്ന മത്സരം അധികസമയത്തെ ഏഴാം മിനിറ്റില്‍ ലഭിച്ച പെനാല്‍റ്റി വഴി സര്‍വീസസ് സ്വന്തമാക്കുകയായിരുന്നു.
അരുണാചലിലെ യൂപിയ ഗോള്‍ഡന്‍ ജൂബിലി ടര്‍ഫ് സ്റ്റേഡിയത്തില്‍ രാവിലെ പത്തു മുതലായിരുന്നു മത്സരം. അടുത്ത മത്സരത്തില്‍ ഉച്ചയ്ക്ക് 2.30-ന് കേരളം അസമിനെ നേരിടും.ജയത്തോടെ മൂന്ന് പോയിന്റുമായി സര്‍വീസസ് ഗ്രൂപ്പ് എ.യില്‍ മുന്നിലെത്തി.
