കൊച്ചി: ശബരിമല പരിസരത്തു നിന്ന് അക്രമികളിറങ്ങാതെ ന്യൂസ് ചാനലുകളിലേക്ക് ഇല്ലെന്ന് എഴുത്തുകാരി ശാരദക്കുട്ടി. ശബരിമല സ്ത്രീ പ്രവേശന വിഷയം സംബന്ധിച്ച് സന്നിധാനത്ത് പ്രശ്‌നങ്ങള്‍ രൂക്ഷമായിരിക്കുന്ന സാഹചര്യങ്ങളിലാണ് ശാരദക്കുട്ടിയുടെ പരാമര്‍ശം. ഏഷ്യാനെറ്റ് ന്യൂസ് ചാനലില്‍ ഇപ്പോള്‍ വാനപ്രസ്ഥം സിനിമയുണ്ടെന്നും ശാരദക്കുട്ടി പരിഹാസരൂപേണ ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം:
ശബരിമല പരിസരത്തു നിന്ന് അക്രമികളിറങ്ങാതെ ന്യൂസ് ചാനലുകളിലേക്കില്ല.ആക്രോശവും അട്ടഹാസവും വയ്യ.
ഏഷ്യാനെറ്റ് മൂവീസിൽ ഇപ്പോൾ വാനപ്രസ്ഥം സിനിമയുണ്ട്. സുഹാസിനിയുണ്ട്. കഥകളിയുണ്ട്. പ്രണയമുണ്ട്.. വൈകിട്ട് മണിച്ചിത്രത്താഴുണ്ട്. ശോഭനയുണ്ട്. നാഗവല്ലിയുണ്ട്. ഭ്രാന്തും നൃത്തവുമുണ്ട്. കയ്യിൽ Meenakshi C S ന്റെ ഭൗമ ചാപമുണ്ട്.. കൽപറ്റ നാരായണന്റെ കവിതയുടെ ജാതകമുണ്ട്. എനിക്ക് സ്വാസ്ഥ്യം വേണം.
