വിജയ് ദേവരകൊണ്ടയുടെ ടാക്‌സിവാല, ഗീതാഗോവിന്ദം എന്നീ ചിത്രങ്ങളിലെ ഗാനങ്ങള്‍ക്കു പിന്നാലെ വിജയ്‌യുടെ സര്‍ക്കാരിലെ ഗാനരംഗങ്ങളും ചോര്‍ന്നു. എ ആര്‍ മുരുകദോസ് നിര്‍മ്മിക്കുന്ന ചിത്രത്തിലെ വിജയ്‌യുടെ ഇന്‍ട്രൊഡക്ഷന്‍ ഗാനമാണ് ചോര്‍ന്നത്. ലാസ് വെഗാസിലാണ് ഗാനം ചിത്രീകരിച്ചത്. ഷോഭിയാണ് നൃത്തസംവിധാനം ചെയ്തത്. വിജയ്‌യുടെ വേഷവും ചില ഡാന്‍സ് സ്‌റ്റെപ്പുകളുമാണ് പുറത്തുവന്നത്.
സണ്‍ പിക്‌ചേഴ്‌സ് എന്റര്‍ടെയ്ന്‍മെന്റാണ് ചിത്രം നിര്‍മ്മിക്കുന്നത്. കീര്‍ത്തി സുരേഷാണ് നായിക. വരലക്ഷ്മി ശരത്കുമാര്‍, അര്‍ജുന്‍ സര്‍ജ, പ്രേം കുമാര്‍, യോഗി ബാബു, രാധാ രവി, പാലാ കുറുപ്പയ്യ എന്നിവരും ചിത്രത്തില്‍ പ്രധാന വേഷങ്ങളിലെത്തുന്നുണ്ട്.
ചിത്രത്തിന്റെ ഷൂട്ടിങ് ഏതാണ്ട് പൂര്‍ത്തിയായിട്ടുണ്ട്. പോസ്റ്റ് പ്രൊഡക്ഷന്‍ വര്‍ക്കുകള്‍ നടന്നുകൊണ്ടിരിക്കുകയാണ്. ചിത്രം ദീപാവലി റിലീസായി തിയറ്ററുകളിലെത്തും. തുപ്പാക്കിക്കും കത്തിക്കും ശേഷം എ ആര്‍ മുരുകദോസും വിജയ്‌യും ഒന്നിക്കുന്ന ചിത്രം കൂടിയാണ് സര്‍ക്കാര്‍.
