രാംഗോപാല്‍ വര്‍മ്മ സംവിധാനം ചെയ്യുന്ന പൊളിറ്റിക്കല്‍ ക്രൈം ത്രില്ലര്‍ ചിത്രം സര്‍ക്കാര്‍3 യുടെ ട്രെയിലര്‍ പുറത്തിറങ്ങി. അമിതാഭ് ബച്ചന്‍, യാമി ഗൗതം, ജാക്കി ഷരഫ്, മനോജ് ബച്ച്പായ്, അമിത് സാദ് എന്നിവരാണ് ചിത്രത്തില്‍ പ്രധാന വേഷങ്ങളിലെത്തുന്നത്.
സര്‍ക്കാര്‍ ചിത്രത്തിന്റെ മൂന്നാം പതിപ്പാണ് സര്‍ക്കാര്‍ 3. സര്‍ക്കാര്‍ എന്ന് വിളിക്കുന്ന സുഭാഷ് നാഗ്രയെ ആണ് ചിത്രത്തില്‍ അമിതാഭ് ബച്ചന്‍ അവതരിപ്പിക്കുന്നത്. ആദ്യ രണ്ട് ഭാഗത്തിലുമുണ്ടായിരുന്ന അഭിഷേക് ബച്ചന്‍ മൂന്നാം ഭാഗത്തില്‍ ഇല്ല.
2005ല്‍ പുറത്തിറങ്ങിയ സര്‍ക്കാര്‍ ആണ് സര്‍ക്കാര്‍3 യുടെ ആദ്യ പതിപ്പ്. തുടര്‍ന്ന് 2008 ലാണ് സര്‍ക്കാര്‍ രാജ് എന്ന രണ്ടാം പതിപ്പ് പുറത്തിറക്കിയത്. ചിത്രത്തില്‍ അമിതാഭ് ബച്ചന്‍, അഭിഷേക് ബച്ചന്‍, ഐശ്വര്യ റായ് എന്നിവരും താരങ്ങളായി എത്തിയിരുന്നു. ആദ്യ ഭാഗങ്ങള്‍ പോലെ മൂന്നാം ഭാഗത്തിന്റെയും തിരക്കഥ രാംഗോപാല്‍ വര്‍മ്മയുടേതാണ്. ഏപ്രില്‍ ഏഴിനാണ് ചിത്രത്തിന്റെ റിലീസ് .
