ഒരു ഇന്ത്യന്‍ പ്രണയകഥക്ക് ശേഷം ഫഹദ് ഫാസിലും സത്യന്‍ അന്തിക്കാടും ഒന്നിക്കുന്ന ഞാന്‍ പ്രകാശന്റെ പുതിയ പോസ്റ്റര്‍ പുറത്ത്. ഫഹദ് തെങ്ങില്‍ കയറി ഇരിക്കുന്ന രസകരമായ ഫോട്ടോയാണ് പുറത്ത് വന്നത്.
താഴെ ഇനി എന്ത് നടന്നാലും പ്രകാശനത് പ്രശ്‌നമല്ല. സേഫായല്ലോ ! എന്ന അടിക്കുറിപ്പോടെ സംവിധായകന്‍ സത്യന്‍ അന്തിക്കാട് തന്നെയാണ് പോസ്റ്റര്‍ ഷെയര്‍ ചെയ്തിരിക്കുന്നത്.
നിഖില വിമല്‍ ആണ് ചിത്രത്തില നായിക. ആക്ഷേപ ഹാസ്യമായിരിക്കും ചിത്രം കൈകാര്യം ചെയ്യുന്നതെന്നാണ് വിവരം.
ഫുള്‍മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട് നിര്‍മിക്കുന്ന ചിത്രത്തിന്റെ ചിത്രീകരണം പാലക്കാട്, കൊച്ചി എന്നിവിടങ്ങളിലാണ്.
