ടൊറന്റോ: മോണ്‍ട്രിയല്‍ മാസ്റ്റേഴ്സ് ടെന്നീസ് ടൂര്‍ണമെന്റ് പുരുഷ ഫൈനലില്‍ റോജര്‍ ഫെഡററെ കീഴടക്കി അലക്‌സാണ്ടര്‍ സവറേവിന് കിരീടം.
രണ്ടു സെറ്റുകളിലും വ്യക്തമായ ആധിപത്യം നേടിയാണ് ജര്‍മ്മനിക്കാരനായ സവറേവിന്റെ ജയം. സ്‌കോര്‍: 6-3, 6-4.
പത്ത് വര്‍ഷത്തിനിടയില്‍ കിരീടം നേടുന്ന ആദ്യത്തെ പ്രായം കുറഞ്ഞ വ്യക്തിയെന്ന നേട്ടത്തോടെയാണ് സവറേവ് കിരീടം ചൂടിയിരിക്കുന്നത്.
ആസ്‌ട്രേലിയന്‍ ഓപ്പണും വിംബിള്‍ഡണും നേടി മിന്നും ഫോമില്‍ നില്‍ക്കുന്ന ഫെഡററുടെ തോല്‍വി കാണികളെ നിശബ്ദരാക്കി. ഈ വര്‍ഷം ഫെഡററെ തോല്‍പിക്കുന്ന മൂന്നാമത്തെ കളിക്കാരനാണ് സവറേവ്.
