ഡൽഹി: വ്യവസായി മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ അനുവദിക്കാൻ സുപ്രീംകോടതി ഉത്തരവിട്ടു. രാജ്യത്തിനകത്തും വിദേശത്തും ഇസെഡ് പ്ലസ് സുരക്ഷ മുകേഷിനും കുടുംബത്തിനും ഉറപ്പാക്കണമെന്നാണ് സുപ്രീംകോടതിയുടെ വിധിയിലുള്ളത്. സുരക്ഷയുടെ ചിലവ് അംബാനി കുടുംബം നൽകണമെന്നും വിധിയിലുണ്ട്. ഇതു സംബന്ധിച്ച് കേന്ദ്ര ആഭ്യന്തര മന്ത്രാലയത്തിനും മഹാരാഷ്ട്ര സ‍ർക്കാരിനും കോടതി നിർദേശം നൽകി. തുടർച്ചയായുള്ള സുരക്ഷ ഭീഷണി കാരണം മുകേഷിനും കുടുംബത്തിനും സെഡ് പ്ലസ് സുരക്ഷ നൽകിയിട്ടുണ്ടെന്ന് നേരത്തെ സ‍ർക്കാർ കോടതിയെ അറിയിച്ചിരുന്നു. രാജ്യത്തിൻ്റെ സാമ്പത്തികരംഗം അസ്ഥിരമാക്കുക എന്ന ലക്ഷ്യത്തോടെ മുകേഷിനെതിരെ ഭീഷണി ഉയരുന്നുണ്ടെന്നും രാജ്യത്തിനകത്തും പുറത്തും ഈ സ്ഥിതിയുണ്ടെന്നും കോടതിയിൽ വാദമുയർന്നു.
മുകേഷ് അംബാനിക്കും കുടുംബത്തിനും ഇസെഡ് പ്ലസ് സുരക്ഷ നൽകണമെന്ന് സുപ്രീംകോടതി
