കോട്ടയം : ഒന്‍പതാം ക്ലാസ്സിലെ പരീക്ഷയില്‍ തോറ്റ വിദ്യാര്‍ത്ഥി മനംനൊന്ത് ആത്മഹത്യ ചെയ്തു. പാമ്പാടി ക്രോസ് റോഡ്‌സ് ഇംഗ്ലീഷ്‌ മീഡിയം സ്‌കൂളിലെ സി.ബി.എസ്.സി ഒന്‍പതാം ക്ലാസ്സ് വിദ്യാര്‍ത്ഥി ബിന്റോ ഈപ്പന്‍ 14 ആണ് വീടിനുള്ളിലെ സ്റ്റെയര്‍കേസില്‍ തൂങ്ങി മരിച്ചത്.
വാഴൂര്‍ പുളിക്കല്‍ കവല പൊടിപാറയ്ക്കല്‍ ഈപ്പന്‍ വര്‍ഗീസ്-ബിന്ദു ദമ്പതികളുടെ മകനാണ് ബിന്റോ. ഇവരുടെ ഏക മകനായിരുന്നു ബിന്റോ. പത്താം ക്ലാസ്സില്‍ 100 ശതമാനം വിജയം ഉറപ്പിക്കാന്‍ ഒന്‍പതാം ക്ലാസ്സിലെ ആറ് വിദ്യാര്‍ത്ഥികളെ മനപൂര്‍വ്വം തോല്‍പിച്ചതായും ആക്ഷേപമുണ്ട്. സ്‌കൂളിനെതിരെ സാമൂഹ്യ മാധ്യമങ്ങളില്‍ പ്രതിക്ഷേധം ശക്തമാവുകയാണ്.
