സെഞ്ചൂറിയന്‍ : ഇന്ത്യയും ദക്ഷിണാഫ്രിക്കയും തമ്മിലുള്ള രണ്ടാം ട്വന്റി20 പരമ്പര ഇന്ന് സെഞ്ചൂറിയനില്‍ അരങ്ങേറും. സെഞ്ചൂറിയനിലെ സൂപ്പര്‍സ്‌പോര്‍ട് പാര്‍ക്കില്‍ ഇന്ത്യന്‍ സമയം രാത്രി ഒമ്പതരയ്ക്കാണ് മത്സരം.
കഴിഞ്ഞ ദിവസം ജോഹന്നസ്ബര്‍ഗില്‍ നടന്ന ആദ്യ ട്വന്റി 20യില്‍ 28 റണ്‍സിന്റെ വിജയമാണ് കൊഹ്‌ലിപ്പട നേടിയത്. 203 റണ്‍സെന്ന ടി20യിലെ മികച്ച സ്‌കോറുകളിലൊന്ന് പ്രോട്ടീസിനെതിരെ നേടാനും ഇന്ത്യക്കായി. ഈ ജയം നേടിയ ആത്മവിശ്വാസത്തോടെയാണ് ഇന്ത്യ ഇന്ന് കളിക്കാന്‍ ഇറങ്ങുന്നത്.
