ആലിയ ഭട്ട് ആദ്യമായി ഷാരൂഖിനൊപ്പമെത്തുന്ന ‘ഡിയര്‍ സിന്ദഗി’യുടെ രണ്ടാം ടീസര്‍ പുറത്തിറങ്ങി.
കേരളം ലൊക്കേഷനായ ചിത്രം സംവിധാനം ചെയ്തിരിക്കുന്നത് ശ്രീദേവിയെ നായികയാക്കി ‘ഇംഗ്ലീഷ് വിംഗ്ലീഷ്’ ഒരുക്കിയ ഗൗരി ഷിന്‍ഡേയാണ്.
ആദ്യം പുറത്തിറക്കിയ ടീസറിന് വന്‍ സ്വീകരണമാണ് പ്രേക്ഷകര്‍ നല്‍കിയത്. രണ്ട് ദിവസത്തിനകം 56 ലക്ഷത്തിലധികം ആളുകളാണ് ആദ്യ ടീസര്‍ കണ്ടത്.
കേരളത്തിന് പുറമെ ചിത്രത്തിന്റെ മറ്റൊരു പ്രധാന ലൊക്കേഷന്‍ ഗോവയായിരുന്നു. ഷാരൂഖ് ഖാന്റെ റെഡ് ചില്ലീസ് എന്റര്‍ടെയ്ന്‍മെന്റും കരണ്‍ ജോഹറിന്റെ ധര്‍മ്മ പ്രൊഡക്ഷന്‍സും ഹോപ് പ്രൊഡക്ഷന്‍സും സംയുക്തമായാണ് ചിത്രം നിര്‍മ്മിക്കുന്നത്.
സാധാരണ മട്ടിലുള്ളൊരു പ്രണയചിത്രമായിരിക്കില്ല ഇതെന്നാണ് ഗൗരി ഷിന്‍ഡേ ചിത്രത്തെക്കുറിച്ച് പറഞ്ഞിരിക്കുന്നത്.
