ശിവകാര്‍ത്തികേയനും സാമന്ത അക്കിനേനിയും മുഖ്യവേഷങ്ങളിലെത്തുന്ന തമിഴ് ചിത്രം സീമാരാജയുടെ പുതിയ ടീസര്‍ പുറത്തുവിട്ടു. പൊന്‍ റാം ആണ് ചിത്രം സംവിധാനം ചെയ്യുന്നത്. മധുരൈയില്‍ നടന്ന ഓഡിയോ ലോഞ്ചിനിടെയാണ് ടീസര്‍ പുറത്തുവിട്ടത്. ചിത്രം ഒരു മാസ് എന്റര്‍ടെയ്‌നര്‍ ആണ്. ഡി ഇമ്മനാണ് സംഗീതം.
നെപ്പോളിയന്‍, സിമ്രാന്‍, സൂരി, യോഗി ബാബു, മനോബാല, സതീഷ് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഈ വര്‍ഷം ആദ്യം ഇറങ്ങിയ സീമ രാജയുടെ ഫസ്റ്റ് ലുക്ക് പോസ്റ്ററിന് പ്രേക്ഷകരില്‍ നിന്നും വളരെ നല്ല പ്രതികരണമായിരുന്നു ലഭിച്ചത്. എം രാജേഷ് സംവിധാനം ചെയ്യുന്ന റൊമാന്റിക് കോമഡി ചിത്രത്തിലായിരിക്കും സീമാരാജയ്ക്ക് ശേഷം ശിവകാര്‍ത്തികേയന്‍ അഭിനയിക്കുക.
