വിജയ് സേതുപതിയെ കേന്ദ്രകഥാപാത്രമാക്കി ബാലാജി ധരണീധരന്‍ സംവിധാനം ചെയ്യുന്ന ചിത്രമാണ് സീതാകത്തി. ചിത്രത്തില്‍ ശ്രദ്ധേമായ ഒരു കഥാപാത്രത്തെയാണ് മക്കള്‍സെല്‍വന്‍ അവതരിപ്പിക്കുന്നത്. കഥാപാത്ര പൂര്‍ത്തീകരണത്തിനായി ഏതറ്റം വരെയും പോകുന്ന നടനാണ് വിജയ് സേതുപതി. അത്തരത്തില്‍ സീതാകത്തിക്കു വേണ്ടിയുള്ള വിജയ് സേതുപതിയുടെ മേക്കിങ് വീഡിയോ സമൂഹമാധ്യമങ്ങളില്‍ വൈറലായിരിക്കുകയാണ്.
ചിത്രത്തില്‍ ഇരട്ട വേഷത്തിലാണ് നടന്‍ എത്തുന്നത്. അയ്യ, വെറ്ററന്‍ കുമാര്‍ എന്നീ കഥാപാത്രങ്ങളായിട്ടാണ് ചിത്രത്തില്‍ വിജയ് സേതുപതി എത്തുന്നത്. പാഷന്‍ സ്റ്റുഡിയോസാണ് ചിത്രം നിര്‍മ്മിക്കുന്നത്. സീതാകാത്തിയില്‍ വെല്ലുവിളി നിറഞ്ഞ രണ്ടു കഥാപാത്രങ്ങളെയാണ് വിജയ് സേതുപതി അവതരിപ്പിക്കുന്നത്. വ്യത്യസ്ഥമാര്‍ന്നൊരു പ്രമേയം പറഞ്ഞുകൊണ്ടാണ് ചിത്രമൊരുക്കുന്നതെന്നാണ് അറിയുന്നത്.
ഓസ്‌കര്‍ ജേതാക്കളായ കെവിന്‍ ഹാനെ, അലക്‌സ് നോബിള്‍ എന്നിവരാണ് വിജയ് സേതുപതിയുടെ പുതിയ ലുക്കിന് പിന്നില്‍. എണ്‍പതുകാരനായിട്ടാണ് സേതുപതി ചിത്രത്തില്‍ എത്തുന്നത്. പ്രോസ്തറ്റിക് മേക്കപ്പിന് വേണ്ടി കഴിഞ്ഞ മാസം വിജയ് സേതുപതിയും സംവിധായകനും അമേരിക്കയില്‍ പോയിരുന്നു. നാല് മണിക്കൂറിന് ശേഷമാണ് മേക്കപ്പ് പൂര്‍ത്തിയായത്.
