മുംബൈ: ഓഹരി വിപണിയില്‍ വന്‍ കുതിപ്പ്. സെന്‍സെക്‌സ് 900ഓളം പോയിന്റ് കുതിച്ചുയര്‍ന്നു. സെന്‍സെക്‌സ് 811 പോയിന്റ് ഉയര്‍ന്ന് 38741.89ലും നിഫ്റ്റി 242.10 പോയിന്റ് നേട്ടത്തില്‍ 11649.10ലുമാണ് വ്യാപാരം ആരംഭിച്ചത്. എന്‍ഡിഎ ഭരണം നിലനിര്‍ത്തുമെന്ന എക്സിറ്റ് ഫലങ്ങള്‍ പുറത്തുവന്നതിനെതുടര്‍ന്നാണ് ഓഹരി വിപണി കുതിച്ചത്.
യെസ് ബാങ്ക്, മാരുതി, എസ്ബിഐ, എല്‍റ്റി, റിലയന്‍സ്, ഇന്റസന്റ് ബാങ്ക്, ടാറ്റ സ്റ്റീല്‍, ഐസിഐസിഐ ബാങ്ക്, ബജാജ് ഫിനാന്‍സ്, ടാറ്റ മോട്ടോര്‍സ്, ആക്‌സിസ് ബാങ്ക്, സണ്‍ ഫാര്‍മ, എച്ചഡിഎഫ്‌സി, വേദാന്ത, ഒഎന്‍ജിസി, കോള്‍ ഇന്ത്യ, ഹീറോ മോട്ടോര്‍കോപ്, ഏഷ്യന്‍ പെയിന്റ്‌സ്, ബാരതി എയര്‍ടെല്‍, പവര്‍ഗ്രിഡ്, കൊടക് ബാങ്ക്, ഐടിസി എന്നീ ഓഹരികള്‍ നേട്ടത്തിലാണ്.
ടിസിഎസ്, ഇന്‍ഫോസിസ്, എച്ച്‌സിഎല്‍ടെക്, ബജാജ് ഓട്ടോ എന്നീ ഓഹരികള്‍ നഷ്ടത്തിലുമാണ്.
