ബെര്‍ലിന്‍: പടിഞ്ഞാറന്‍ ജര്‍മനിയില്‍ ആള്‍ക്കൂട്ടത്തിലേക്ക് വാന്‍ ഓടിച്ചുകയറ്റി അപകടം നടന്നതായി റിപ്പോര്‍ട്ട്. അപകടത്തില്‍ നിരവധി പേര്‍ മരിച്ചതായാണ് റിപ്പോര്‍ട്ട്. പടിഞ്ഞാറന്‍ ജര്‍മനിയിലെ മ്യുയെന്‍സ്റ്ററിലാണ് സംഭവം.
അപകടത്തില്‍ 30 ലേറെ പേര്‍ക്ക് പരുക്കേറ്റതായും പൊലീസിനെ ഉദ്ധരിച്ച് അന്താരാഷ്ട്ര മാധ്യമങ്ങള്‍ വെളിപ്പെടുത്തി. അപകടത്തില്‍ വാന്‍ ഓടിച്ചയാളും മരിച്ചതായി സംശയിക്കുന്നുവെന്ന് പൊലീസ് അറിയിച്ചു.
അപകടത്തിനു പിന്നാലെ സിറ്റി സെന്ററില്‍ പ്രവേശിക്കുന്നതില്‍ നിന്ന് ഒഴിഞ്ഞു നില്‍ക്കാന്‍ പൊലീസ് ജനത്തിനോടു നിര്‍ദേശിച്ചു.
