കോഴിക്കോട് : യൂണിയന്‍ ഓഫീസിനെ ചൊല്ലി കോഴിക്കോട് ലോ കോളേജിലെ എസ്എഫ്ഐ-എഐഎസ്എഫ് പ്രവര്‍ത്തകര്‍ തമ്മില്‍ ഏറ്റുമുട്ടി. സംഘര്‍ഷത്തില്‍ രണ്ട് പേര്‍ക്ക് പരിക്കേറ്റു. എഐഎസ്എഫ് പ്രവര്‍ത്തകനായ ഡല്‍വിന്‍ , എസ് എഫ് ഐ പ്രവര്‍ത്തകന്‍ അനുരാഗ് എന്നിവര്‍ക്കാണ് പരിക്കേറ്റത്.
ലോ കോളേജിലെ യൂണിയന്‍ ഓഫീസ് എസ്എഫ്ഐ ഏകപക്ഷീയമായി കൈയടക്കി വച്ചിരിക്കുന്നത് എഐഎസ്എഫ് ചോദ്യം ചെയ്തതോടെയാണ് സംഘര്‍ഷം തുടങ്ങിയത്.
യൂണിയന്‍ ഓഫീസിന് ചുവന്ന പെയിന്റ് അടിച്ചതിനെ ചൊല്ലി കഴിഞ്ഞ ദിവസം കെഎസ് യു , എസ് എഫ് ഐ പ്രവര്‍ത്തകര്‍ തമ്മിലും ക്യാംപസില്‍ സംഘര്‍ഷമുണ്ടായിരുന്നു.
