ഇന്ന് ജന്മദിനമാഘോഷിക്കുന്ന താരഇതിഹാസം മോഹന്‍ലാലിനെ പ്രശംസിച്ച് ഗായകനും സംഗീത സംവിധായകനുമായ ഷഹബാസ് അമന്‍. ‘മോഹന്‍ലാല്‍ ഇല്ലായിരുന്നുവെങ്കില്‍ എന്നേ മലയാള സിനിമ പിരിച്ചുവിടേണ്ടി വരുമായിരുന്നു എന്ന വാചകത്തോടെയാണ് അദ്ദേഹം മോഹന്‍ലാലിനെക്കുറിച്ച് ഫേസ്ബുക്കില്‍ കുറിച്ചത്.
മമ്മുട്ടി ഇല്ലാത്ത ഒരു ചിത്രവും ഒരു മമ്മുട്ടി ചിത്രമേയല്ല ! എന്നാല്‍ മോഹന്‍ലാല്‍ ഇല്ലാത്തവ പോലും മലയാളത്തില്‍ മോഹന്‍ലാല്‍ ചിത്രങ്ങളാണു! അത് കൊണ്ട് കംപ്ലീറ്റ്‌ ആക്ടര്‍ എന്നതിനേക്കാളും ഒരു സമ്പൂര്‍ണ്ണ വെല്ലുവിളി എന്നതാണു മോഹന്‍ലാലിന്റെ വലിപ്പം! ‘ഏയ് അങ്ങനെയൊന്നുമില്ല’ എന്ന നിലക്ക് തോള്‍ ചെരിച്ചും കൈ കുടഞ്ഞും കണ്ണിറുക്കിച്ചിരിച്ചും അയാള്‍ ആ വെല്ലുവിളി തുടര്‍ന്ന് കൊണ്ടേയിരിക്കുന്നു! വ്യക്തിപരമായ അടുത്ത് നിരീക്ഷണം വെച്ച് പറയുകയാണെങ്കില്‍ ലാലേട്ടനു (മോഹന്‍ലാല്‍) തന്നെ അത് സ്വയം അറിയാം എന്ന് തോന്നുന്നു! മലയാള സിനിമയെ നിര്‍ണ്ണയിക്കുന്ന ആ മനശാസ്ത്രഘടകം താന്‍ ആണെന്ന്!- ഷഹബാസ് കുറിച്ചു.
