ഇന്ത്യ-ഓസ്‌ട്രേലിയ ടെസ്റ്റ് പരമ്പര വിജയികളെ പ്രഖ്യാപിച്ച് മുന്‍ പാക്കിസ്ഥാന്‍ നായകന്‍ ഷാഹിദ് അഫ്രീദിയും. ഓസ്‌ട്രേലിയയില്‍ ഇന്ത്യ പരമ്പര നേടാന്‍ എല്ലാ സാധ്യതയുമുണ്ടെന്ന് അഫ്രീദി പറഞ്ഞു. ഓസ്‌ട്രേലിയക്ക് പഴയ കരുത്തില്ല.
ഇന്ത്യക്കാകട്ടെ മികച്ചൊരു ബാറ്റിംഗ് നിരയും നല്ല ബൗളിംഗ് നിരയുമുണ്ടെന്നും അഫ്രീദി പറഞ്ഞു. ഓസ്‌ട്രേലിയയില്‍ ഇന്ത്യയ്ക്കാണ് വിജയ സാധ്യത കൂടുതലെന്ന് മുന്‍താരങ്ങളും അഭിപ്രായപ്പെട്ടിരുന്നു.
വ്യാഴാഴ്ചയാണ് ഇന്ത്യ-ഓസ്‌ട്രേലിയ പരമ്പരയിലെ ആദ്യ ടെസ്റ്റിന് തുടക്കം കുറിക്കുന്നത്. ഏഴു പതിറ്റാണ്ടിനിടെ ഒരു തവണ പോലും ഇന്ത്യക്ക് ഓസ്‌ട്രേലിയയില്‍ ടെസ്റ്റ് പരമ്പര സ്വന്തമാക്കാനായിട്ടില്ല. മൂന്ന് പരമ്പരകളില്‍ സമനില നേടിയതു മാത്രമാണ് ഇന്ത്യയുടെ മികച്ച നേട്ടം.
