ബോളിവുഡ് കിങ് ഷാരൂഖ് ഖാന്‍ കുള്ളന്‍ ആയി എത്തുന്ന ചിത്രമാണ് സീറോ. ബി ടൗണിലെ ‘ബാസിഗര്‍’ ആനന്ദ് എല്‍ റായി സംവിധാനം ചെയ്യുന്ന സീറോയുടെ രണ്ടാമത്തെ ടീസര്‍ ഈദിന് റിലീസ് ചെയ്യും. ഇക്കാര്യം കിങ് ഖാന്‍ തന്നെയാണ് ആരാധകരെ അറിയിച്ചിരിക്കുന്നത്.
കത്രീന കെയ്ഫ്, അനുഷ്‌ക ശര്‍മ എന്നിവരാണ് ചിത്രത്തിലെ നായികമാര്‍. തിരക്കഥ ഹിമാന്‍ഷു ശര്‍മ. സല്‍മാന്‍ ഖാന്‍, ദീപിക പദുക്കോണ്‍, റാണി മുഖര്‍ജി, കജോള്‍ എന്നിവര്‍ അതിഥിവേഷത്തില്‍ എത്തുന്നു എന്ന പ്രത്യേകതയും ചിത്രത്തിനുണ്ട്. ഡിസംബര്‍ 21 ന് സിനിമ റിലീസ് ചെയ്യും.
