പ്രേക്ഷകര്‍ക്കിടയില്‍ തരംഗം സൃഷ്ടിച്ച മോഹന്‍ലാല്‍ ചിത്രം വെളിപാടിന്റെ പുസ്തകത്തിലെ ജിമിക്കി കമ്മല്‍ എന്ന ഗാനം യുട്യൂബില്‍ നിന്ന് നീക്കം ചെയ്തതിനെതിരെ സംഗീത സംവിധായകന്‍ ഷാന്‍ റഹ്മാന്. മലയാള സിനിമയുടെ ചരിത്രത്തില്‍ തന്നെ ഏറ്റവും അധികം ആളുകള്‍ കണ്ട് വീഡിയോയാണ് ജിമിക്കി കമ്മല്‍.
വെറും ഒരു ബിസിനസ്സ് കരാറിന്റെ ഭാഗമായി മാത്രമാണ് ഇപ്പോള്‍ യൂട്യൂബില്‍ നിന്ന് വീഡിയോ എടുത്തുമാറ്റിയത്. യൂട്യൂബില്‍ നിന്ന് മാത്രമേ ജിമിക്കി കമ്മല്‍ എടുത്തുമാറ്റാന്‍ സാധിക്കൂ. ആസ്വാദകരുടെ ഹൃദയത്തില്‍ നിന്നും ജിമിക്കി കമ്മല്‍ എന്ന ഗാനത്തെ പറിച്ചെടുക്കാനാകില്ലെന്നും ഷാന്‍ റഹ്മാന് തന്റെ ഇന്‍സ്റ്റഗ്രാം പോസ്റ്റില്‍ കുറിച്ചു.
