ഷെയിന്‍ നിഗത്തെ നായകനാക്കി നവാഗതനായ ശരത് സംവിധാനം ചെയ്യുന്ന പുതിയ ചിത്രമാണ് വെയില്‍. ഈ ചിത്രം ഏറെ വിവാദങ്ങള്‍ സൃഷ്ടിച്ചെങ്കിലും നിര്‍മ്മാതാക്കളുമായുണ്ടായ വാക്ക് തര്‍ക്കങ്ങള്‍ ഷെയ്‌നിനെതിരെ വിലക്ക് വരെയെത്തിച്ചിരുന്നു. ഒടുവില്‍ ഷെയ്ന്‍ നഷ്ടപരിഹാരത്തുക നല്‍കിയതോടെ പ്രശ്‌നങ്ങളെല്ലാം ഒത്തു തീര്‍പ്പിലെത്തുകയായിരുന്നു.
ഇപ്പോഴിതാ വെയിലിന്റെ പുതിയ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ഇരുട്ടില്‍ പുകവലിക്കുന്ന ഷെയ്‌നിന്റെ ചിത്രമാണ് പോസ്റ്ററില്‍. ഈ ചിത്രം കണ്ടപ്പോള്‍ ആരാധകര്‍ ആവേശഭരിതരായിരിക്കുകയാണ്. ചിത്രത്തിന്റെ നിര്‍മാണം ജോബി ജോര്‍ജ് ആണ്.
ഷെയ്‌നിനൊപ്പം ഷൈന്‍ ടോം ചാക്കോയും ചിത്രത്തില്‍ അഭിനയിക്കുന്നുണ്ട്. ഷാസ് മുഹമ്മദ് ആണ് ഛായാഗ്രഹണം. ഗുഡ് വില്‍ എന്റര്‍ടെയിന്മെന്റ്‌സ് ആണ് വിതരണം.
