ബെയ്ജിങ്ങ്: ചെറിയൊരു സൂചി ഗ്ലാസ് പാളിയിലേക്ക് എറിഞ്ഞാല്‍ തകര്‍ന്നുപോകുമെന്ന് വിശ്വസിക്കുന്നവര്‍ കുറവായിരിക്കും. എന്നാല്‍ ഇത് സത്യമാണ് എന്ന് തെളിയിക്കുകയാണ് ഷാവോലിന്‍ സന്ന്യാസിമാര്‍. ഇത് തെളിയിക്കുന്നതിനായി ഒരു വീഡിയോയും അവര്‍ യൂ ട്യൂബില്‍ പോസ്റ്റ് ചെയ്തിട്ടുണ്ട്.
സ്ലോ മോ ഗയ്‌സ് പോസ്റ്റ് ചെയ്തിരിക്കുന്ന വീഡിയോ ദൃശ്യത്തില്‍ ഗ്ലാസ് എങ്ങനെ തകര്‍ന്നു എന്നതിന്റെ ദൃശ്യങ്ങള്‍ വ്യക്തമാക്കുന്നുണ്ട്. പത്ത് വര്‍ഷത്തോളമെടുത്താണ് സന്ന്യാസികള്‍ വിദ്യ അഭ്യസിച്ചത്. ഷാവോലിന്റെ 72 രഹസ്യ കലകളിലൊന്നാണിത്.
20 ലക്ഷത്തോളം പേരാണ് രണ്ട് ആഴ്ച കൊണ്ട് വീഡിയോ കണ്ടിരിക്കുന്നത്. ഒരു ഭാഗത്ത് നിന്ന് ഷാവോലിന്‍ സന്ന്യാസിമാര്‍ സര്‍വ്വ ഊര്‍ജ്ജവും എടുത്ത് ഗ്ലാസിലേക്ക് സൂചി എറിയുകയും ഗ്ലാസിന് മറുപുറത്ത് വെച്ചിട്ടുള്ള ബലൂണ്‍ പൊട്ടുന്നതുമാണ് വീഡിയോ.
