ലോകത്തിലെ പണക്കാരായ സെലിബ്രിറ്റികളുടെ പട്ടികയില്‍ ഇന്ത്യന്‍ താരങ്ങളില്‍ ഷാരൂഖ് ഖാന്‍ ഒന്നാം സ്ഥാനത്ത്‌. 2016 ലെ കണക്കുകള്‍ പ്രകാരം ഫോര്‍ബ്‌സ് മാഗസിന്‍ പുറത്തുവിട്ട റിപ്പോര്‍ട്ടാണ് ഇക്കാര്യം വ്യക്തമാക്കുന്നത്.
86ാം സ്ഥാനത്തായിരുന്ന കിങ് ഖാന്‍ ഇത്തവണ 65ാമതാണ്. ഇന്ത്യന്‍ താരങ്ങളുടെ പട്ടികയില്‍ ഷാരൂഖിനെ കൂടാതെ സല്‍മാന്‍ ഖാനും അക്ഷയ്കുമാറും ഇടം നേടിയിട്ടുണ്ട്. യഥാക്രമം 71,80 സ്ഥാനങ്ങളിലാണിവര്‍.
കഴിഞ്ഞ വര്‍ഷം കാര്യമായ ചിത്രങ്ങളൊന്നും ബോക്‌സ് ഓഫീസില്‍ നിറഞ്ഞില്ലെങ്കിലും പരസ്യ ചിത്രങ്ങളില്‍ നിന്നുള്ള വരുമാനമാണ് ഇന്ത്യന്‍ സെലിബ്രിറ്റികളുടെ പട്ടികയില്‍ ഷാറൂഖിനെ ഒന്നാമതെത്തിച്ചത്.
