പുല്ലാങ്കുഴല്‍ നാദത്തിലൂടെ ആരാധരെ കയ്യിലെടുത്തിരിക്കുകയാണിപ്പോള്‍ ശിഖര്‍ ധവാന്‍. കടലിനഭിമുഖമായി നിന്ന് പുല്ലാങ്കുഴല്‍ വായിക്കുന്ന വീഡിയോ കഴിഞ്ഞ ദിവസമാണ് ധവാന്‍ ഇന്‍സ്റ്റഗ്രാമില്‍ പങ്കുവച്ചത്.
താരത്തിന്റെ വീഡിയോയ്ക്ക് അഭിനന്ദനവുമായി അനവധി പേര്‍ രംഗത്തെത്തി. ധവാനെ ശ്രീകൃഷ്ണനോട് ഉപമിച്ചു കൊണ്ടുള്ള കമന്റുകള്‍ വരെ വീഡിയോയ്ക്ക് ലഭിച്ചിട്ടുണ്ട്. എന്നാല്‍ ചിലര്‍ വീഡിയോയുടെ ആധികാരികതയെയും ചോദ്യം ചെയ്തിട്ടുണ്ട്. എന്നിരുന്നാലും ഇതിനോടകം താരത്തിന്റെ വീഡിയോ വൈറലായിക്കഴിഞ്ഞു.
ഗുരു വേണുഗോപാലിനൊപ്പം പുല്ലാങ്കുഴല്‍ വായിക്കുന്ന വീഡിയോ ധവാന്‍ മുന്‍പ് പോസ്റ്റ് ചെയ്തിരുന്നു. കഴിഞ്ഞ മൂന്ന് വര്‍ഷമായി താന്‍ പുല്ലാങ്കുഴല്‍ പഠനത്തിലാണെന്നും അന്ന് ധവാന്‍ വ്യക്തമാക്കിയിരുന്നു.
