ഐ.പി.എല്ലിലേക്ക് ക്രിക്കറ്റ് താരങ്ങളെ ലേലത്തിലൂടെ സ്വന്തമാക്കിയ കണക്ക് ഇന്നലെ പുറത്തുവിട്ടിരുന്നു. പല താരങ്ങളെയും കോടികളും ലക്ഷങ്ങളും മുടക്കിയാണ് ടീമുകള്‍ സ്വന്തമാക്കിയിരുന്നത്.
വിന്‍ഡീസ് താരം ഷിംറോണ്‍ ഹെറ്റ്മെയറെ താരലേലത്തിലൂടെ ഡല്‍ഹി ക്യാപിറ്റല്‍സ് സ്വന്തമാക്കിയത് 7.75 കോടി രൂപ മുടക്കിയാണ്.
വെസ്റ്റ് ഇന്‍ഡീസിന്റെ യുവബാറ്റ്സ്മാന്‍ കൂടിയാണ് ഷിംറോണ്‍ ഹെറ്റ്മെയര്‍. ഹെറ്റ്മെയര്‍ സ്വയം നിശ്ചയിച്ചിരുന്ന അടിസ്ഥാന വില അമ്പത് ലക്ഷം രൂപയായിരുന്നു. എന്നാല്‍ ഡല്‍ഹി ക്യാപിറ്റല്‍സ് സ്വന്തമാക്കിയത് 7.75 കോടി രൂപ ലേലത്തിലൂടെയാണ്. ഇതറിഞ്ഞ ഹെറ്റ്മെയര്‍ സന്തോഷത്തോടെ കട്ടിലിന് മുകളില്‍ കയറി നൃത്തം ചെയ്യുന്ന വീഡിയോ ആണ് ഇപ്പോള്‍ വൈറലായിരിക്കുന്നത്.
ഹെറ്റ്മെയറുടെ ഡാന്‍സ് ഡല്‍ഹി ക്യാപിറ്റല്‍സ് തന്നെയാണ് ട്വീറ്റ് ചെയ്തത്. നമ്മുടെ ആരാധകര്‍ക്ക് വേണ്ടി ഒരു സന്ദേശം നല്‍കാമോ എന്ന് ചോദിച്ചു. ഒരു മിനുറ്റിന് ശേഷം ഇതാണ് ലഭിച്ചത് എന്ന് പറഞ്ഞായിരുന്നു ഡല്‍ഹി ക്യാപിറ്റല്‍സ് ഹെറ്റ്മെയറുടെ ഡാന്‍സ് പങ്കുവെച്ചത്.
Us: Hi, Mr. Shimron. Welcome to DC! Can you please share a message for our fans?
*1 minute later*@SHetmyer:#IPLAuction2020 #IPLAuction #ThisIsNewDelhi #DelhiCapitals pic.twitter.com/NrcjO03sJO
— Delhi Capitals (@DelhiCapitals) December 19, 2019
