കൊല്‍ക്കത്ത : മോഹന്‍ ബഗാന്റെ ഗോളി ശിവജി ബാനര്‍ജി അന്തരിച്ചു. കൊല്‍ക്കത്തയിലെ അദ്ദഹത്തിന്റെ വീട്ടില്‍ വെച്ചായിരുന്നു അന്ത്യം.68 വയസ്സായിരുന്നു. ഹൃദയാഘാതത്തെത്തുടര്‍ന്നായിരുന്നു മരണം.
മോഹന്‍ബഗാന് വേണ്ടി 11 വര്‍ഷം വലയം കാത്ത ശിവാജി ബാനര്‍ജി 1977ല്‍ ന്യൂയോര്‍ക്ക് കോസ്‌മോസിനെതിരെ നടന്ന പ്രദര്‍ശന മത്സരത്തില്‍ ഫുട്‌ബോള്‍ ഇതിഹാസം പെലെയുടെ ഫ്രീ കിക്ക് തടഞ്ഞ് ഹീറോ ആയിട്ടുണ്ട്. ആ മത്സരം 22 ന് സമനിലയിലാണ് പിരിഞ്ഞത്.
റഷ്യന്‍ ടീമായ അറാറത്തിനെതിരെ ഐഎഫ്എ ഷീല്‍ഡിലും മികച്ച പ്രകടമായിരുന്നു ബാനര്‍ജി കാഴ്ച്ച വെച്ചത്. 1977 മുതല്‍ 80 വരെ ചിരവൈരികളായ ഈസ്റ്റ് ബംഗാളിനെതിരെ ഒറ്റ ഗോള്‍ പോലും വഴങ്ങാതെ റെക്കോര്‍ഡ് സ്ഥാപിച്ചിട്ടുമുണ്ട്.
ഫുട്‌ബോളില്‍ മാത്രമല്ല ക്രിക്കറ്റിലും ബാനര്‍ജി തന്റെ വ്യക്തമിദ്ര പതിപ്പിച്ചിരുന്നു. ബംഗാള്‍ ക്രിക്കറ്റ് അസോസിയേഷനിലെ (സിഎബി) ഫസ്റ്റ് ഡിവിഷന്‍ ക്ലബ്ബില്‍ കളിച്ചിട്ടുമുണ്ട്. പോര്‍ട്ട് ട്രസ്റ്റിനെ പ്രതിനിധാനം ചെയ്ത് സിഎബിയുടെ യോഗങ്ങളില്‍ ബാനര്‍ജി പങ്കെടുത്തിട്ടുണ്ട്.
ശനിയാഴ്ച്ച മോഹന്‍ ബഗാന് ഡിഎസികെ ശിവാജിയന്‍സിനെതിരെ 31ന് മത്സരം വിജയിച്ചപ്പോള്‍ അത് കാണാന്‍ ബാനര്‍ജിയും എത്തിയിരുന്നു.
