അങ്കിത ലോഖണ്ഡെ, ഷഹീര്‍ ഷെയ്ക്ക് എന്നിവര്‍ കേന്ദ്ര കഥാപാത്രങ്ങളായെത്തുന്ന സീരീസായ പവിത്ര റിഷ്ത രണ്ടാം സീസണിന്റെ ചിത്രീകരണം ആരംഭിച്ചു. സെറ്റില്‍ നിന്നുള്ള ചിത്രങ്ങള്‍ അണിയറ പ്രവര്‍ത്തകര്‍ പുറത്തുവിട്ടു.
2009 മുതല്‍ 2014 വരെ സീ ടിവിയിലൂടെ പവിത്ര റിഷ്ത പ്രേക്ഷകന് മുന്നിലെത്തിച്ചത് മാനവിന്റെയും അര്‍ച്ചനയുടെയും പ്രണയ കഥയായിരുന്നു. അങ്കിതയ്ക്കൊപ്പം അന്തരിച്ച നടന്‍ സുശാന്ത് സിങ് ആയിരുന്നു അന്ന് മാനവിനെ അവതരിപ്പിച്ചിരുന്നത്. പിന്നീട് സുശാന്ത് ബോളിവുഡിലേക്ക് ചേക്കേറുകയായിരുന്നു.
പുതിയ സീസണില്‍ ഷഹീര്‍ ഷെയ്ക്ക് സുശാന്ത് അവതരിപ്പിച്ചിരുന്ന മാനവിന്റെ വേഷത്തിലെത്തും. സീരീസിന്റെ രണ്ടാം ഭാഗം ഒ.ടി.ടി പ്ലാറ്റ്ഫോമായ ആള്‍ട്ട് ബാലാജിയിലൂടെയാണ് സംപ്രേഷണം ചെയ്യുക.
