ന്യൂഡല്‍ഹി: ദക്ഷിണ ഡല്‍ഹിയിലെ മെട്രോ സ്‌റ്റേഷന് സമീപം പൊലീസും കുറ്റവാളിയും തമ്മില്‍ വെടിവെപ്പ്.
കുപ്രസിദ്ധ കുറ്റവാളിയായ അക്ബറുമായാണ് പൊലിസ് ഇന്ന് രാവിലെ ഏറ്റുമുട്ടിയത്. ഏറ്റുമുട്ടലിനൊടുവില്‍ അക്ബറിനെ പൊലീസ് കീഴടക്കി.
കുറ്റവാളികളെ കുറിച്ച് ലഭിച്ച രഹസ്യ സൂചനയനുസരിച്ചാണ് പൊലീസ് സ്ഥലത്തെത്തിയത്.
പൊലീസിനെ കണ്ടയുടന്‍ അക്ബറും സഹായിയും വെടിവെക്കാന്‍ തുടങ്ങിയതായി പൊലീസ് പറയുന്നു.
13 റൗണ്ട് വെടിവെപ്പ് നടത്തിയെന്നും പൊലീസ് പറയുന്നു.അക്ബറിന്റെ കൂടെയുണ്ടായിരുന്ന സഹായി ഓടി രക്ഷപ്പെട്ടു.
നെഹ്‌റു പ്ലേസില്‍ മെട്രോ പ്രവര്‍ത്തനം തുടങ്ങുന്നതിനു മുമ്പായതിനാല്‍ ആര്‍ക്കും പരിക്കുകളില്ല.
