സൊനാക്ഷി സിന്‍ഹയും സിദ്ധാര്‍ത്ഥ് മല്‍ഹോത്രയും കേന്ദ്രകഥാപത്രങ്ങളാകുന്ന പുതിയ ചിത്രമാണ് ഇതേഫഖ്.
അഭയ് ചോപ്ര സംവിധാനം ചെയ്യുന്ന ചിത്രത്തിന്റെ ട്രെയിലര്‍ പുറത്തെത്തി.
അഭയ് ഖന്നയും ചിത്രത്തില്‍ ഒരു സുപ്രധാന വേഷത്തില്‍ എത്തുന്നുണ്ട്.
പരുള്‍ ഗുലാതി, സുശാന്ത് സിംഗ്, ശങ്കര്‍ യാധവ്, മിര്‍ സര്‍വാര്‍, ഗിരീഷ് സഹദേവ് തുടങ്ങിയവരും ചിത്രത്തിൽ ഉണ്ട്.
മികാല്‍ ലുകയാണ് ഛായാഗ്രഹണം നിര്‍വഹിക്കുന്നത്. ചിത്രത്തിന് സംഗീതം ഒരുക്കുന്നത് അമാല്‍ മാലിക്കാണ്. 1969ല്‍ യാഷ് ചോപ്ര ഒരുക്കിയ ഇതേഫഖിന്റെ റീമേക്കാണ് ചിത്രം.
റെഡ് ചില്ലീസ് എന്റര്‍ടൈന്‍മെന്റ്, ധര്‍മാ പ്രൊഡക്ഷന്‍സ്, ഭി ആര്‍ സ്റ്റുഡിയോസ് എന്നീ പ്രൊഡക്ഷന്‍ കമ്പനികളുടെ ബാനറില്‍ കരണ്‍ ജോഹര്‍, ഗൗരി ഖാന്‍, അഭയ് ചോപ്ര എന്നിവരാണ് ചിത്രം നിര്‍മ്മിക്കുന്നത്.
