തൈക്കൂടം മ്യൂസിക്‌ ബാന്റിലൂടെ ശ്രദ്ധേയനായ സിദ്ധാര്‍ത്ഥ്‌ മേനോന്‍ നായകനാവുന്ന പുതിയ ചിത്രമാണ് ‘കഥ പറഞ്ഞ കഥ’.
നവാഗതനായ സിജു ജവഹർ തിരക്കഥയെഴുതി സംവിധാനം ചെയ്യുന്ന ഈ ചിത്രത്തിൽ തരുഷി നായികയാവുന്നു.
ഷെഹീൻ സിദ്ധിഖ്, രൺജിപണിക്കർ, ദിലീഷ് പോത്തൻ, സന്തോഷ് കീഴാറ്റൂർ, ശ്രീകാന്ത് മുരളി, പ്രവീണ, മഞ്ജു മറിമായം, സ്‌നേഹ ശ്രീകുമാർ തുടങ്ങിയവരാണ് മറ്റു പ്രമുഖ താരങ്ങൾ.
പാബ്‌ളോ സിനിമയുടെ ബാനറിൽ ബേയ്സിൽ ഏബ്രാഹം, മനോജ് കുര്യാക്കോസ്, ഡോ.രാജേഷ് രാജു ജോർജ്ജ്, ഷിബു കുര്യാക്കോസ് എന്നിവർ ചേർന്ന് നിർമ്മിക്കുന്ന ചിത്രത്തിൽ ഛായാഗ്രഹണം സുധീർ സുരേന്ദ്രൻ നിർഹിക്കുന്നു.
കൊച്ചി, വാഗമൺ, കോതമംഗലം, ഹൈദരാബാദ് എന്നിവിടങ്ങളാണ് ലോക്കേഷനുകൾ.
സെപ്തംബർ പത്തിന് കൊച്ചിയിൽ ചിത്രത്തിന്റെ ഷൂട്ടിംഗ് ആരംഭിക്കും.
സിദ്ധാർത്ഥ് മേനോൻ നായകനാവുന്ന രണ്ടാമത്തെ ചിത്രമാണ് ‘കഥ പറഞ്ഞ കഥ’. റോക്ക് സ്റ്റാര്‍ എന്ന ചിത്രത്തിലാണ്
സിദ്ധാർത്ഥ് ആദ്യമായി അഭിനയിച്ചത്.
