തിരുവനന്തപുരം: സിദ്ധാര്‍ത്ഥിന്റെ മരണം എസ്.എഫ്.ഐയുടെ ചരിത്രം അറിയാത്തവര്‍ സംഘടനയിലുണ്ടെന്ന് വിദ്യാഭ്യാസ മന്ത്രി വി ശിവന്‍കുട്ടി പറഞ്ഞു. ക്യാമ്പസുകളില്‍ റാഗിങ് ഇല്ലാതാക്കാന്‍ പ്രയത്‌നിച്ച പ്രസ്ഥാനമാണ് എസ്.എഫ്.ഐ. ചരിത്രമറിയാത്തവര്‍ സംഘടനയിലുള്ളതാണ് പ്രശ്നമെന്നും മന്ത്രി വ്യക്തമാക്കി. ചരിത്രമറിയാതെ എസ്എഫ്‌ഐയിലെത്തിയ ഇത്തരക്കാരെ പുറത്താക്കണം.
എസ്എഫ്‌ഐയെ ശുദ്ധികരിക്കാന്‍ നേതൃത്വം തയാറാകാമെന്നും ശിവന്‍കുട്ടി പറഞ്ഞു. മരണപ്പെട്ട സിദ്ധാര്‍ഥന്റെ കുടുംബത്തിനൊപ്പമാണ് സര്‍ക്കാരെന്ന് മന്ത്രി പറഞ്ഞു. സര്‍ക്കാര്‍ നിലപാടില്‍ കുടുംബം തൃപ്തനാണെന്ന് അച്ഛന്‍ പറഞ്ഞെന്നും മന്ത്രി പറഞ്ഞു.എസ്.എഫ്.ഐ എന്നല്ല കുറ്റവാളികള്‍ ഏത് സംഘടനയിലാണെങ്കിലും നടപടി സ്വീകരിക്കും.ഇത്തരം ആക്രമണങ്ങള്‍ ഒരു സംഘടനയും നടത്താന്‍ പാടില്ലെന്നും അദ്ദേഹം വ്യക്തമാക്കി.
