ന്യൂഡല്‍ഹി: ഹിന്ദു മതത്തില്‍പ്പെട്ട പെണ്‍കുട്ടിയോടൊപ്പം കണ്ടതിന് മുസ്ലീം യുവാവിനെ ആക്രമണത്തില്‍ നിന്നും രക്ഷിക്കുന്ന സിഖ് പൊലീസ് ഉദ്യോഗസ്ഥന്റെ വീഡിയോ സോഷ്യല്‍ മീഡിയയില്‍ വൈറലായി. ഗംഗന്ദീപ് സിങ് എന്ന പൊലീസ് ഓഫീസറാണ് സാമൂഹിക മാധ്യമങ്ങളില്‍ ഹീറോയായത്. രംഗനഗറിലെ ക്ഷേത്രത്തിനടുത്ത് സംഘര്‍ഷം നടക്കുന്നതായി ചൊവ്വാഴ്ച അദ്ദേഹത്തിന് വിവരം ലഭിക്കുകയായിരുന്നു.
This brave #Sikh police officer saved a #Muslim boy from the fanatic #Hindu mob, who was trying to lynch him. Because he was there to meet his #Hindu girlfriend. How can someone deny the fact that these extremist Hindu groups are trying to terrorise the minorities? pic.twitter.com/htN9pHVZwA
— Simranjit Singh Mann (@SimranjitSADA) May 24, 2018
ഇവിടെ അന്യമതസ്ഥയായ പെണ്‍കുട്ടിയോടൊപ്പം കണ്ടെന്ന് ആരോപിച്ച് ഒരു യുവാവിനെ നാട്ടുകാര്‍ ചേര്‍ന്ന് തല്ലിച്ചതയ്ക്കുന്ന കാഴ്ചയാണ് ഗംഗാദീപ് കണ്ടത്. തീവ്രഹിന്ദു സംഘടനകളാണ് ആക്രമണത്തിന് പിന്നിലെന്നാണ് റിപ്പോര്‍ട്ട്. ആക്രമികള്‍ യുവാവിനെ മര്‍ദിക്കുമ്പോള്‍ സ്വന്തം ശരീരം ഉപയോഗിച്ച് പൊലീസുകാരന്‍ തടയുകയായിരുന്നു.
ഇതിനിടെ ജനക്കൂട്ടം പൊലീസിനെതിരെ മുദ്രാവാക്യം ഉയര്‍ത്തി. യുവാവിനെയും യുവതിയെയും പിന്നീട് പൊലീസ് സ്റ്റേഷനില്‍ കൊണ്ടുപോയി. യുവതിയെ പിന്നീട് മാതാപിതാക്കള്‍ക്കൊപ്പം വിട്ടയച്ചു.
