ബെംഗളുരു : ജിയോയിക്കു പിന്നാലെ ബൈജൂസ് ആപ്പിൽ 3680 കോടി രൂപ നിക്ഷേപിക്കാനൊരുങ്ങി സില്‍വര്‍ ലേയ്ക്ക്. പ്രമുഖ എഡ്യുടെക് കമ്പനിയാണ് ബൈജൂസ് ആപ്പ്. യുഎസ് ആസ്ഥാനമായി പ്രവര്‍ത്തിക്കുന്ന സ്വകാര്യ ഇക്വിറ്റി സ്ഥാപനമായ സില്‍വര്‍ ലേയ്ക്കാണ് 3680 കോടി രൂപ ബൈജൂസ് ആപ്പിൽ നിക്ഷേപിക്കാനൊരുങ്ങുന്നത്. സില്‍വര്‍ ലേയ്ക്കിന്റെ കൂടി നിക്ഷേപമെത്തുന്നതോടെ ബൈജൂസിന്റെ മൊത്തം മൂല്യം 10.5 ബില്യണ്‍ ഡോളറാകും.
റിലയന്‍സ് ജിയോയില്‍ 5,546.8 കോടി രൂപ നിക്ഷേപിച്ചതിനു പിന്നാലെയാണ് ഇന്ത്യയിലെ തന്നെ മറ്റൊരു സ്ഥാപനത്തില്‍ സില്‍വര്‍ ലേയ്ക്ക് നിക്ഷേപം നടത്തുന്നത്. ജനറല്‍ അറ്റ്‌ലാന്റിക്, ടൈഗര്‍ ഗ്ലോബല്‍ എന്നീ സ്ഥാപനങ്ങള്‍ 200 മില്യണ്‍ ഡോളര്‍ രൂപ വീതം നേരത്തെ നിക്ഷേപം നടത്തിയിരുന്നു. പ്രമുഖ എഡ്യുടെക് സ്ഥാപനമായ ഡിഎസ്ടി ഗ്ലോബല്‍ 122 മില്യണ്‍ ഡോളറും ബൈജൂസില്‍ നിക്ഷേപിച്ചിട്ടുണ്ട്.
