തിരുവനന്തപുരം: നിയമസഭ ചോദ്യത്തിന്റെ ഭാഗമായി ലഭ്യമായ സില്‍വര്‍ലൈന്‍ ഡിപിആര്‍ അപൂര്‍ണമെന്ന പരാതിയുമായി അന്‍വര്‍ സാദത്ത് എം.എല്‍.എ സ്്പീക്കര്‍ക്ക് കത്തു നല്‍കി. നിര്‍ണായകമായ പലവിവരങ്ങളും ഡിപിആറില്‍ ഇല്ല. 115 കിലോമീറ്റര്‍വരെയുള്ള റയില്‍പാതയുടെ വിവരങ്ങളെ നല്‍കിയിട്ടുള്ളൂ. 415 കിലോമീറ്ററിന്റെ അലൈന്‍മെന്റ് വിവരങ്ങള്‍ നല്‍കിയിട്ടില്ല.
പ്രധാനപ്പെട്ട സ്റ്റേഷനുകളെ സംബന്ധിച്ച വിശദാംശങ്ങളും ഉള്‍പ്പെടുത്തിയിട്ടില്ല. സാങ്കേതി, സാമ്പത്തിക ഫീസിബിലിറ്റി സംബന്ധിച്ച വിശദാംശങ്ങളും അനുബന്ധരേഖകളുമില്ലെന്നും അന്‍വര്‍സാദത്ത് പറയുന്നു. അപൂര്‍ണമായ വിവരങ്ങള്‍ നല്‍കിയത് സംബന്ധിച്ച് സ്്പീക്കര്‍ അന്വേഷിക്കണമെന്നും ഡിപിആറില്‍ പൂര്‍ണ വിവരങ്ങളുണ്ടെങ്കില്‍ അതു നല്‍കണമെന്നും കത്ത് ആവശ്യപ്പെടുന്നു.
