സിംഗപ്പൂര്‍: ലോകത്തെ ഏറ്റവും ദൈര്‍ഘ്യമേറിയ കൊമേഷ്യല്‍ വിമാനയാത്രാ സര്‍വീസ് ഉടന്‍ ആരംഭിക്കും. സിംഗപ്പൂരില്‍ നിന്നും ന്യൂയോര്‍ക്കിലേക്കാണ് 19 മണിക്കൂര്‍ നീണ്ട സര്‍വീസ് നടത്തുക. നോണ്‍ സ്‌റ്റോപ്പായിട്ടായിരിക്കും സര്‍വീസ്.
സിംഗപ്പൂരില്‍ നിന്ന് ന്യൂയോര്‍ക്കിലേക്കാണ് 19 മണിക്കൂര്‍ നീണ്ട സര്‍വ്വീസ് നടത്തുക. 8,277 നോട്ടിക്കല്‍ മൈല്‍ (15,329 കിലോ മീറ്റര്‍) ദൂരമാണ് സിംഗപ്പൂരില്‍ നിന്ന് ന്യൂയോര്‍ക്കിലേക്കുള്ളത്. നിലവിലെ ഏറ്റവും ദൈര്‍ഘ്യമേറിയ സര്‍വ്വീസ് ദോഹയില്‍ നിന്ന് ഓക്ക്‌ലന്‍ഡിലേയ്ക്കുള്ള ഖത്തര്‍ എയര്‍വേസാണ്. സിങ്കപ്പൂരില്‍ നിന്ന് ലോസ് ഏഞ്ചല്‍സിലേയ്ക്ക് നോണ്‍ സ്റ്റോപ്പ് സര്‍വ്വീസ് ആരംഭിക്കാനും സിംഗപ്പൂര്‍ എയര്‍ലൈന്‍സിന് പദ്ധതിയുണ്ട്.
2018 ല്‍ ലോകത്തിലെ ഏറ്റവും മികച്ച വിമാന കമ്പനിയായി സിംഗപ്പൂര്‍ എയര്‍ലൈന്‍സ് തിരഞ്ഞെടുക്കപ്പെട്ടിരുന്നു. യാത്രക്കാര്‍ക്കിടയില്‍ നടത്തിയ വോട്ടെടുപ്പിലൂടെയാണ് ലോകത്തെ ഏറ്റവും മികച്ച വിമാനക്കമ്പനിയെ തിരഞ്ഞെടുത്തത്.
